# SMM dərsləri 03 - Məhsulun təkcə gözəlliyi kifayət etmir
💡
Bu məktub el dilində yazılmışdır. Əgər yazılanlar sənə çox sadə gəlsə, bu məktubun peşəkar dildə yazılmış versiyası da mövcudur. Peşəkar dildə yazılmış versiyasını oxumaq üçün linkə keçid et: 3. hissə — Yalnız vizual deyil, funksional təqdimat: Məhsulun dəyəri danışmalıdır
## İstəsən bu hissəni birgə oxuyaq? 👇 %[https://youtu.be/pb9ZttD1np8] --- Təsəvvür et, sən alış-veriş mərkəzindəsən. Vitrində çox gözəl bir paltar görürsən — tərzi, rəngi, dizaynı möhtəşəmdir. Yaxınlaşırsan, amma nə qiymət var, nə material yazılıb, nə ölçü. Satıcı da ortalıqda yoxdur. Nə edirsən? Böyük ehtimalla başqa mağazaya gedirsən. Sosial media da eynidir! Çoxları sadəcə **gözəl şəkil** paylaşır, amma müştərinin əsas suallarına cavab vermir: * Bu nə məhsuldur? * Mənim işimə necə yarayacaq? * Qiyməti, faydası, fərqi nədir? Sanki gözləyirlər ki, müştəri şəkilə baxıb özü anlasın. Amma, axı, heç kim kahin deyil 😄 --- ### Həqiqi satış sənəti Yaxşı satıcı sadəcə paltarı göstərmir, onu müştəriyə izah edir: * Kimin üçün daha uyğundur, * Necə istifadə olunur, * Onun digər məhsullardan nə fərqi var. Bu, artıq **danışan vitrin** deməkdir. Sosial mediada isə “danışan vitrin” – yaxşı yazılmış, aydın, faydalı və maraqlı paylaşım mənasına gəlir. --- ### Paylaşım edərkən qızıl qaydalar: 1. **Sadə və aydın ol** – qəliz sözlərdən qaç. 2. **Problemi göstər** – müştəri niyə bu məhsula ehtiyac duyur? 3. **Həllini izah et** – məhsul və ya xidmət ona necə kömək edəcək? 4. **Dəyəri və fərqini göstər** – müştəri niyə səndən alsın? --- ### Metafora: **Paylaşım = Mağazada satıcı** Məhsulu sadəcə vitrində gözə soxmaqla olmur, onu izah edən “satıcı” (yəni paylaşımın özü) olmalıdır. Yoxsa, müştəri vitrinin önündən keçir və yoluna davam edir. --- ## Tapşırıq 1 **İndi təsəvvür et ki, söhbət sənin mağazandan gedir. Və sən öz məhsulunu təqdim edirsən.** Özünə bu 3 sualı ver və cavablandır: 1. Müştəri məhsulun haqqında ilk növbədə nələri bilmək istəyir? 2. Müştəriyə maraqlı gələn məqamlar hansılardır? 3. Onun almağa qərar verməsinə mane olan suallar nədir? --- ### Nümunə (Online dil kursu) 1\. Müştəri nəyi öyrənmək istəyir? * Qısa müddətdə danışa biləcəkmi? * Evdən öyrənmək mümkündürmü? * Həqiqətən ona lazım olacaqmı? 2\. Onu nələr maraqlandırır? * Kurs neçə ay davam edəcək? * Qiymət və ödəmə rahatdırmı? * Dərslər interaktiv və əyləncəlidirmi? 3\. Satın almağına mane olan suallar nədir? * Mən sıfırdan öyrənə bilərəmmi? * Online dərslər canlı dərslər qədər faydalıdırmı? * Tez bir nəticə əldə edə biləcəyəmmi? --- ## Tapşırıq 2 **İndi bu suallara cavab verən 3 post paylaşım mətni hazırla.** Unutma: Yalnız məlumat deyil — **kiçik bir hekayə**, **problemin özü** və **həlli də** olsun. --- ### Nümunə paylaşım 1 **Post başlığı:** “Sıfırdan öyrənə bilərəmmi? Qorxmayın, bacaracaqsınız!” **Post mətni:** Ayşə ingilis dilini öyrənmək istəyirdi, amma sıfırdan başlaması ona qorxulu gəlirdi. Dostları ona deyirdi ki, "Sənə çətindir, artıq gecdir". Bizim *Online Dil Kursu*nda isə o, ilk dərsdən sonra artıq gündəlik ifadələri işlədə bildi. 6 həftə sonra o, xaricdə bir seminarda suallar verə, öz fikrini ifadə edə bilirdi. Sən də sıfırdan başla və nəticə gör. **CTA:** “İlk dərsimiz ödənişsizdir. Linkə kliklə və bizimlə başla!” --- ### Nümunə paylaşım 2 **Post başlığı:** “Online dərslər canlı dərslərdən zəifdir? Yanılırsan!” **Post mətni:** Tural online dərslərin faydasız olduğunu düşünürdü. Amma dərslərimizin interaktiv keçdiyini, qrup yoldaşları və müəllimlə canlı ünsiyyət qurduğunu gördükdə fikrini dəyişdi. İndi isə o, iş görüşmələrində ingilis dilində sərbəst danışır. **CTA:** “Canlı dərslərimizlə tanış olmaq istəyirsən? Şərhə + yaz!” --- ### Nümunə paylaşım 3 **Post başlığı:** “Tez nəticə istəyirsən? O da mümkündür.” **Post mətni:** Gülnar bizə müraciət edərkən çox qisa zamanda öyrənməli olduğunu dedi. Biz ona intensiv proqram təklif etdik. Həftədə 3 dərs, praktiki tapşırıqlar və canlı müəllim dəstəyi ilə o, 1 ay ərzində ilk iş müsahibəsini uğurla ingiliscə keçdi. Bilmək olmaz, bəlkə də, 2 ay sonra Gülnarın hekayəsin paylaşldığımız kimi sənin hekayəni də paylaşacağıq. **CTA:** “Nəticəni tez görmək istəyirsənsə, indi bizə yaz.” --- ## Əzcümlə: Məhsulun gözəlliyi, tərtibatı vacibdir. Amma **satıcı** danışmadıqdan, izah etmədikdən sonra gözəlliyin çox da bir əhəmiyyəti qalmır. > 🎯 Paylaşım = Mağazada sənin adından danışan bir satıcı. İndi artıq satıcını danışdırmağın vaxtıdır. Başla tapşırıqları bir-bir etməyə. --- Və bir də bunu qulağına sirğa et: mükəmməl olmağa çalışma — **düzgün anlaşılan** post daha çox satır, nəinki yalnız gözəl görünən. Növbəti (4-cü) hissədə isə biz bazarın səs-küyündə seçilmək üçün nələr etmək lazım olduğunu öyrənəcəyik. 😉 Növbəti hissədə görüşək! Hörmətlə [**Imamverdi Behbudlu**](https://instagram.com/imamverdibehbudlu) --- [**Behbudlu Agency**](http://behbudlu.com/p/agency)\-nin [**Storitellinq əsaslı marketinq konsultasiya və xidmətləri**](http://behbudlu.com/p/agency) haqqında ətraflı məlumat üçün [**buradan**](http://behbudlu.com/p/agency) keçid edin. [**İmamverdi Behbudlu**](https://instagram.com/imamverdibehbudlu) ilə əlaqəyə keçmək və mentorluq proqramı haqqında ətraflı məlumat almaq üçün [**instaqram səhifəsini ziyarət edin.**](https://instagram.com/imamverdibehbudlu)